Tanzila Narbayeva mamlakat mustaqilligi bilan bog‘liq chiqishlarga to‘xtaldi. “O‘zbekiston hech qachon hech kimga mustamlaka bo‘lmaydi”, — dedi Senat raisi yoshlar bilan uchrashuvda.
Senat raisi Tanzila Narbayeva poytaxtning qator ko‘chalaridagi ko‘priklar (yerusti piyodalar o‘tish joylari)da lift va eskalatorlar ishlamayotgani yoki umuman mavjud emasligini tanqid qildi. Avvalroq “Gazeta.uz” yerusti piyodalar o‘tish joylari muammolari haqidagi videomaterialini e’lon qilgandi.
“Yuksalish” umummilliy harakati Markaziy Osiyoning yetakchi ayollari reytingini tuzdi. Nomzodlar egallab turgan lavozimi va qarorlar qabul qilishga ta’sir qilish darajasi, iqtiboslarda keltirilishi va taniqliligi va ijtimoiy-siyosiy va iqtisodiy tashabbuslarni ilgari surganligiga qarab baholangan.
Senat raisi Tanzila Narbayeva MDH Parlamentlararo Assambleyaning navbatdagi yalpi majlisida ishtirok etish uchun Bishkek shahriga bordi. U qirg‘izistonlik deputatlarni Jogorku Kenesh tashkil etilganining 85 yilligi bilan qutladi. Shuningdek, Narbayeva Qozog‘iston va Belarus parlamenti raislari bilan uchrashdi.
Senat raisi Tanzila Narbayevaning tashrifi doirasida Minsk shahrida O‘zbekiston va Belarus ayollarining birinchi biznes forumi bo‘lib o‘tdi. Forum doirasida 92 mln dollardan ortiq miqdordagi 42 ta shartnoma va 17 ta memorandum imzolandi.
Belarus prezidenti Aleksandr Lukashenko Minskda O‘zbekiston Senati raisi Tanzila Narbayevani qabul qilarkan, mamlakatga va Shavkat Mirziyoyevga munosabati haqida gapirdi. “Sizda juda yaxshi prezident bor. Men uning ko‘zlariga qarab turib ham aytaman: senga ishongan xalqqa pand bermasliging kerak”, — dedi u.
AQSh Senatining Milliy xavfsizlik va hukumat ishlari qo‘mitasi raisi Geri Piters O‘zbekiston prezidenti, Senat raisi va TIV rahbari tomonidan qabul qilindi. Muzokaralarda iqtisodiy hamkorlik, mintaqaviy kun tartibi, parlamentlar o‘rtasidagi munosabatlar, inson huquqlari va boshqalar muhokama qilindi.
Senat raisi Tanzila Narbayeva oiladagi zo‘ravonlar jinoiy javobgarlikka tortilishi, qonuniy jazosini olishi shartligini ta’kidladi. “Mahallalardagi faollaringiz hech qachon: „arizangni qaytib ol“, „oilada bo‘ladi-ku“ deyishmasin. O‘sha zo‘ravon jazosini olishi shart”, — dedi u Xotin-qizlar qo‘mitasi rahbariga.
Ostona shahrida bo‘lib o‘tgan Markaziy Osiyo yetakchi ayollari muloqotining navbatdagi yig‘ilishida innovatsiyalar va texnologiyalarni rivojlantirishga alohida e’tibor qaratildi. O‘zbekiston delegatsiyasiga Senat raisi Tanzila Narbayeva boshchilik qildi.
Hokimlarga mahalliy kengash raisi lavozimini egallashi taqiqlanmoqda. Toshkent shahri va viloyatlar miqyosida bu jarayon 2024-yildan, tuman va shaharlarda esa 2026-yildan boshlanadi. Bunda vazifalar takrorlanishining oldi olinishi, hokimlar ustidan ta’sirchan nazorat o‘rnatilishi ko‘zda tutilgan.
Tanzila Narbayeva bolalar va ayollarni zo‘ravonlikdan himoya qilish to‘g‘risidagi qonunni ilg‘or deb atadi, uni qabul qilishdagi qiyinchiliklarni qayd etib, faollarga minnatdorlik bildirdi. 2021−2022-yillarda ayol-qizlarga nisbatan 72 mingta zo‘ravonlik holatlari bo‘lgan, ularning 85 foizi oilada sodir etilgan.
Tanzila Narbayeva Xorazmda qizlarning zo‘rlangani bilan bog‘liq vaziyatga “davlat va jamiyatning murosasiz javobi bo‘lishi shart”ligini bildirdi. Saida Mirziyoyeva prokuraturadan holatga huquqiy baho berishni so‘radi. Irina Matviyenko esa vaziyat haqida rasmiylarga 2 oy oldin xabar berganini ta’kidladi.
Senat raisi Tanzila Narbayeva to‘rtta vazirlik, Xotin-qizlar qo‘mitasi va Mahalla agentligiga ayollar masalasi bo‘yicha qat’iy talablar qo‘ydi. U mas’ul rahbarlardan zo‘ravonlik qurboni bo‘lganlar, muhojir ayollar va jazoni o‘tab qaytgan ayollarga ko‘mak berish bo‘yicha alohida dasturlar ishlab chiqishni so‘radi.
Senat raisi Tanzila Narbayeva boshchiligidagi delegatsiya Turkmanistonning Ashxobod shahrida o‘tkazilgan Markaziy Osiyo yetakchi ayollar muloqotining yillik yig‘ilishida qatnashdi. Majlisda qo‘shni davlatlar ayollarga nisbatan zo‘ravonlikka qarshi hamkorlikni rivojlantirish borasida qator hujjatlar qabul qildi.
Senat raisi Tanzila Narbayeva Sharm al-Shayxda bo‘lib o‘tgan BMTning iqlim bo‘yicha konferensiyasi (COP27)da nutq so‘zladi. U Mintaqaviy iqlim kengashini tuzishni taklif qildi va O‘zbekiston «yashil» iqtisodiyot tamoyillarini joriy etish orqali iqtisodiy taraqqiyotga erishishni maqsad qilganini ta’kidladi.
Senat Kengashining navbatdagi majlisida mahallalar infratuzilmasini rivojlantirish bo‘yicha tadbirlarning o‘z vaqtida va sifatli amalga oshirish muhimligi ta’kidlandi. «Mazkur vazifalarni amalga oshirish orqali o‘rta hisobda 20 mln aholi uchun yanada qulay shart-sharoitlar yaratiladi», — dedi Senat raisi
Senat raisi Tanzila Narbayeva transport, ovqatlanish shoxobchalari, xizmat ko‘rsatish obyektlari, madaniy-ko‘ngilochar muassasalarda nogironligi bor shaxslar uchun sharoitlar yaratilmaganini tan oldi. «Aslida nogironlar uchun sharoitlar yaratish islohotga kirmaydi, bu — bizning majburiyatimiz», — dedi u.
Senat raisi ayollar va bolalar bo‘yicha o‘tkazilgan so‘rov natijalari asosida amaldagi qonunlar yangilanishi mumkinligini ta’kidladi. YUNISEFning O‘zbekistondagi vakolatxonasi rahbari Munir Mamedzade bu borada nafaqat hokimiyat, balki jamiyatning o‘zi ham ishtirok etishi muhimligini qayd etdi.
Tanzila Narbayeva «Better Cotton Initiative» (BCI) nodavlat notijorat tashkiloti menejeri Reychel Bekket bilan uchrashdi. Unda BCI`ning Toshkentdagi vakolatxonasini tez kunlarda ta’sis etish yuzasidan kelishuvga erishildi.
Senat raisi zo‘ravonlik holatlariga qarshi kurashish uchun qonunlarga o‘zgartish va qo‘shimchalar kiritish bo‘yicha hujjatlar paketi tayyorlangani va yaqinda prezidentga axborot berilishini ma’lum qildi. «Jamoatchilik vakillari „Hamma jim o‘tiribdi“, degan fikrda bo‘lmasligi kerak», — deya ta’kidladi Tanzila Narbayeva.
Qo‘shimcha imkoniyatlardan foydalanish uchun saytda ro‘yxatdan o‘ting